Փոքրիկ սև կետիկները ատամների շրջանում ծանոթ են թերևս բոլորին, բայց բոլորն էլ ցանկանում են հնարավորինս հազվադեպ բախվել այս խմդրին: Դրա համար պետք է գալ սկզբից: Ինչպե՞ս է առաջանում ատամնաքարը: Սկզբում ատամների վրա ձևավորվում են սպիտակ բծեր (երբեմն շագանակագույն):
Սրա առաջացմանը ինչ-որ իմաստով նպաստում են ուտելիքները, բայց հատկապես, ծխախոտն ու սուրճը: Եթե այս բծերը ժամանակին չմաքրվեն, դրանք կհավաքվեն՝ առաջացնելով նախ փառ, ապա և ատամնաքար: Իսկ թե ինչ է ատամնաքարը, գիտեն բոլորը. մի մեծ խնդիր, որ կարող է առողջ ատամը շարքից հանել հաշված օրերի ընթացքում:
Բավական է ամենօրյա խնամք ատամների նկատմամբ, ու այս խնդիրները չեն առաջանա:
Խորհուրդ է տրվում նախևառաջ ամեն օր ուտել գոնե մեկ խնձոր և բերանի խոռոչը պարբերաբար ողողել սամիթի թուրմով:
Շատ օգտակար է նաև եզան լեզվի թուրմը: Իսկ սխտորի օգտակար հատկությունները գաղտնիք չեն: Հոտը տանելի դարձնելու համար քնելուց առաջ սխտորը քսեք ատամնաշարին: Կարելի է նաև ուտել մի կտոր:
Անչափ օգտակար է հում ձվի կեղևը: Լավ ծեծեք այն, փոշի դարձրեք և կերեք օրը մեկ գդալ' վրայից ջուր խմելով:
Այս ամենը, գումարած օրը երկու անգամ ատամների պարտադիր լվացումը կնպաստեն էմալի ամրապնդմնանն ու ատամների սպիտակեցմանը:
