Ինչո՞վ է պայմանավորված սեռական ցանկության ուժգնությունը 
Սեռական ցանկության (լիբիդոյի) հաճախականությունը կախված է անձի գենետիկ հատկանիշներից:
Այս եզրակացությանն են հանգել մի խումբ գիտնականներ` Ռիչարդ Էբշտեյնի գլխավորությամբ: Երուսաղեմի հրեական համալսարանի հետազոտողները ուսումնասիրել են 148 կին և տղամարդ ուսանողների ԴՆԹ-ի կառուցվածքը: Ապա գիտնականները ստացված արդյունքները համեմատել են այն գրավոր արդյունքների հետ, որոնք նրանք ստացել էին մասնակիցների հարցման պատասխանների արդյունքում, որտեղ նրանք գնահատել էին իրենց լիբիդոն, սեռական գրգռվածությունը և սեռական ֆունկցիաները:
Հայտնաբերվել է, որ սեփական սեքսուալության գնահատականը մեծամասամբ համընկել է իրենց մոտ առկա D4 գենի տեսակի հետ, որը պատասխանատու է դոպամինային ռեցեպտորի սպիտակուցի արտադրման համար (DRD4): Գիտնականների տվյալներով մարդկանց միայն 30% ունի բարձր սեքսուալության գենի տեսակը, իսկ 60%-ը կրում է այն գենի տեսակը, որը բնութագրում է թույլ սեռական ցանկությունները: Մնացած 10%-ը ունեն գենի այլ տարատեսակներ: ″Բարձր լիբիդո″ գենի տեսակը ի հայտ եկել վերջերս` մուտացիայի արդյունքում:
Այսպիսով, գիտնականները գտնում են, որ սեքսուալ ցանկությունների ցածր մակարդակը կարող է ոչ թե հոգեբանական խնդիր լինել, այլ` նորմա:
Աղբյուրը:slaq.am | 
